Über eus

​

Dä Jontsch, wer ihn nöd kännt, isch sicher kein waschächte Zürcher.  

​

Sini Stimm isch unverkännbar, siis Gsicht perfäkt fürs Radio. Fräch, charmant, provokativ, aber immer mit Herz, hät er während Jahre die ganz Stadt gweckt. 

​

Er träumt gross und über dä Tällerrand use, er läbt wahrlich siin Traum. Es isch neidlos en verrucktä Traum. 

​

Siin neuste Geniestreich: s’Gondel Gärtli im wohl schönste Garte vo Züri, diräkt am See! 

​

Mit ihm a meinerä Siete, em sympathischä Schnurri mit enorm viel Herzbluät, han ich dä perfäkti Fründ und Partner für das einzigartigä Projekt gefundä. Ich freu mi uf die unvergässlichi Ziit i oisem Gondel Gärtli.

Oli über

Jontsch

​

Dä Oli isch eimalig! Wahrlich eimalig!

Eine vo dä spannendste Jungunternähmer vo eusere Stadt. Irgendwie duräknallt und trotzdem top seriös. En sachliche Visionär. En rationale Querdänker. Mit em Erfolg vo sine Gastro- und Nachtclub-Betrieb, wie em berüchtigte Klaus a de Langstrass, hät er scho iidrücklich bewiesä, was er druf hät.

Jetzt chunnt mit em Gondel Gärtli siis wohl ambitioniertistä Projäkt bis dato zur Verwürklichung.

Um i dä Bildsprach z’bliebä: Er isch s’Stahlseil, a dem d’Gondle hanged.

Ebe, dä Oli isch halt eifach eimalig und ich bi unheimlich stolz, das eimalige, spannende, visionäre, duräknallte Projäkt mit ihm uf d’Bei gstellt zha. 

Jontsch über

Oli